Sheikhupura.pk-Forum

پنجابی شاعری => پنجابی شاعری => Topic started by: Administrator on July 20, 2020, 03:26:11 PM

Title: حُسن بلاَں توں ڈر لگدا اے
Post by: Administrator on July 20, 2020, 03:26:11 PM
حُسن بلاَں توں ڈر لگدا اے
عشق دے ناں توں ڈر لگدا اے
جتھے ڈھول وداع ہویا سی
اج اُس تھاں توں ڈر لگدا اے
آپاں سدھے راہے تُرنا
وَل ولَاں توں ڈر لگدا اے
ٹُکر کھوہندے بالاں کولوں
بندے، کاں توں ڈر لگدا اے
نِبڑ لاں گا باہروں تے میں
گھر دے جیاں توں ڈر لگدا اے
کدھرے میتھوں رُس نہ جاون
رب تے ماں توں ڈر لگدا اے
ساہ اُدھارے مہلت تھوڑی
چار دناں توں ڈر لگدا اے
وانگ دھریکاں ودھد یاں جاون
قمر دھیاں توں ڈر لگدا اے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فرید قمرچشتی